Naxçıvan idmançıları Türkiyədən medallarla qayıdır
Bursanın Gemlik bölgəsində V Beynəlxalq Gemlik Karate Turniri keçirilib. Naxçıvan şəhərində fəaliyyət göstərən “Zərbə” Karate Klubunun idmançıları da ənənəvi turnirdə iştirak edib. Komandadan 4 idmançı yarışa qatılıb və onlardan ikisi mükafatçılar sırasına düşüb. Samir Əsgərov (52 kq) kumite yarışlarında 1 qızıl və 1 bürünc medal qazanb. Son vaxtlar ardıcıl nəticələri ilə seçilən Fatimə Bağırzadə bu dəfə də fərqlənib. 9 yaşlı idmançımız kumite yarışında öz həmyaşıdlarını üstələyərək 36 kq çəki dərəcəsinin qalibi olub.
Naxçıvan karateçiləri bu nəticələrlə turniri 2 qızıl və 1 bürünc medalla tamamlayıblar.
